متعه اكتشاف المجهول و التمشيه ...و كل هذا العبث

الصوره دي صورتها بالموبايل يوم ما قررنا انا و صاحبتي المجنونه لمياء ان احنا نصيع و فضلنا ماشيين لحد ما لميا رجليها و جعتها عشان طبعا كانت لبسه كعب عالي...اصل الانوثه واخده حدها معاها ع الاخر...المهم قعدنا بقى و انا قعدت امارس هوايتي المفضله و اصور البرج....بس معرفتش اجيبه كويس عشان كان في واحد واقف ادامنا و حاطط راسه في الكارد..حاجه تخنق يعني...و اللي يخنق اكتر ان احنا كنا عمالين نمشي نمشي لحد ما تهنا و معرفناش احنا فين....و دي هوايه غريبه جدا عندي...اني افضل ماشيه من غير ما اعرف انا رايحه فين...متعه اكتشاف المجهول اعتقد

م هو مش منطقي اني امشي في حته انا عارفاها دا الملل بعينه و الله

و بعدين هو ربنا خلق التاكسي ليه....عشان اول م احس اني كده تهت و اشطاط...تاكسي...حدايق القبه لو سمحت...