من ساعة ما قابلت دكتور أحمد خالد توفيق لتالت مرة في حياتي
تأكدت تماماً اني انسانه محظوظة جداً
لأن قليلين اوي اللي يفضلوا يتمنوا حاجة بقوة كده و تحصل لهم
بعد ما روحت من مقابلتي معاه اللي كانت عشان اعمل معاه حوار في اذاعة مصر اليوم
كنت دايما اقول لشيماء ان احد طموحاتي في الحياة اني اقابله و ممكن ساعتها اموت من الفرحة عشان مش هصدق اني واقفه ادامه
و عشان كده عرفت اني بجد محظوظة
مفيش طموح بيتحقق 3 مرات خالص يعني
*********
الاحمدان العزيزان او الاحمدين العزيزين
عشان محدش منهم يزعل يعني
احمد ندا و احمد الدريني كانوا معايا في تاني و تالت مرة
و وقتها كنت بحس ان الموقف اكتمل تماما وبتخيل اننا مش اكتر من رسوم رسمها العزيز الراحل الفنان اسماعيل دياب
بحس بجد اني فصل او قصة من روائع احمد خالد توفيق و انه احساس لو تعلمين عظيم
قررت طبعا اني عمري ما هكتب بوست في حياتي عنه لان الكلام هيكون فقير اوي و مش هيديله حقه
و ده مش بوست يا جماعة ده توثيق لحدث مش اكتر
بجد يا دكتور احمد انا بشكرك جدا
بشكرك لتواضعك و ابداعك و انسانيتك و لكل لحظة رائعة و دافئة منحتها ليا انا و اصدقائي
.jpg)
.jpg)
.jpg)
.jpg)
.jpg){kind=link}
21 comments:
ونسيتي تقولي انك لما رحتي تقابليه 3 مرات مخدتيش لميا وشيماء اصحابك يا يا يا ... زي ما فؤش بيقول D:
بعديا عن كده هو انتي محظوظة ودكتور احمد خالد حد عبقرييييييييييي
اوي
اوي
اوي
اوي
اوي
اوي بقى من هنا لاسكندرية
كان معكم لميا محمود تحدسكم من قلب حاقد
(وش متغاظ)
سوري يا ميرو انا اسفة
تصحيح لغوي بضم اللام
لميا محمود تحدثكم من قلب حاسد
عشان لو حد عدا من المسئولين عن تطهير البلوجات
المهم يعني انا دوست على الحرف غلط وجيت اوضح
نيا ها ها ها
احيانا طموحات الانسان بتكون دافع قوى للنجاح لكن الاهم هو الاحتفاظ بالنجاح وده اهم من الطموح نفسه
اتمنى لك حياة عملية مليئة بالطموحات والنجاحات وحياة خاصة مليئة بالافراح والزغاريد
مبروك .. ياريت على طول تفضلى مبسوطة تحقيي كل أحلامك و طموحاتك
برافو
ههههههههههههههههههههههههه
ههههههههههههههههههههههههه
مش عارف ليه حاسس إن حد بيرمي كلام علي ... أولها الأحمدان العزيزان أو العزيزين .. والأستاذة لميا بتقول عن المولعين بتطهير البلوجات
(طب بالعند فيكي اسمها مدونات لأنها الأصح عربيا )
السلام عليكم و رحمة الله و بركاته
قابلتي د/احمد خالد ..... بتهرجي ..لا بجد بتهرجي
طب يعني جالك نفس بعد كده تكلمي حد ؟؟
حسيتي يعني انه ينفع بعد ما تقعدي مع ال(.....)ده ممكن تقدري تسمعي او تكلمي اي بشر تاني !!!!!!؟؟
ايه ده ؟ ايه الانسااااااااان ده
طب قولي يا بنتي حاجة يعني كده عنه .. اوصفيه عشان اخواتك اللي لسه ماسعدهمش حظهم
تلات مرات .. تلاته يا مفتريه ؟؟ لوحدك
ده اللي يقابل د/خالد لوحده يزور -بعد الشر يعني-.. بس مش كده
الواحد هيّس و الله
ياااااااااااااااااه
عارفة .. انا متابعاه من ثانوي .. و من اول روايه ..لم اتوقف
رعب .. مغامرات .. حلويات(فانتازيا يعني) ..مقالات .. لماضات .. قصاصات .. اي حاجة و كل حاجة .. مابتفرقش
دايما كنت اقرا بريد القراء و استغرب الناس اللي بتتجرأ و تكلمه .. ازاي بيعرفوا يوصّلوله اللي عندهم
و اللي كان بيعكنني جدا بقى ردوده .. بيحبنا اوي .. و يشكرنا اوي - هم يعني - و ياخد باله من الاسلوب و الخط و الورق و اللغة و حتى ريحة الجواب
يا لهوي يا جدعان
الدم بيضرب ف دماغي دلوقتي
عشان كده عمري ما كتبتله
اقوله ايه .. اكتب ازاي و بإيه على ايه و ابعته ف ايه ؟؟؟؟
اااااااااااااه
لا بصي كده مش هانخلص و افضل اهيّس للصبح
سلااااام و قومي صلي ركعتين شكر جامدين و ماتطلبيش بقى من ربنا حاجة تاني كفايه كده
او براحتك لو عايزة تدعيلنا احنا كمان بنص مقابله حتى..
شوف برده عماله ارغي
سلااااااااااااام
the wall
قليلا ما يدرك المرء ما يتمناه
الحمدلله انك حققتى امنيه كنتى بتتمنيها
يارب تحققى كل امانيكى دائما
تحياتى
يا بختك يا بختك يا بختك بجد
انا حموت واسلم عليه بس مش اقعد اتكلم معاه
مش عارف اعمل اى انا حاعيط
انا نفسى يا جدعان اشوفه بس
متعرفيش والنبى اشوفه ازاى
والحديث بتاعك اتنشر فين عشان عايز اسمعه او اقره
الراجل ده عبقرى
احنا جيل اتربينا على كتب الناس دى
انا باموت فى دكتور رفعت و الرويات المترجمه
انا جيت هنا وصدق توقعي انك انسانة طموحة ومحبوبة من ناس كتير
لقيت اسم مدونتك عند ناس كتير جيت لقيتك تستاهلي الزيارة
تحياتي
ربنا يديكي على قد نيتك
am happy 4 u :)
I'm Happy 4 u (f)
bas eh algamaal da ;)
بجد يا اميره انا سعيده ليكِ
لانى انا كمان نفسى اشوفه واتكلم معاه
هو انسان بسيط وجميل وحتى كلماته تضفى على قلبك الدفء
تحياتى ليكِ
وتحياتى لدكتور احمد
يا بخت احمد خالد توفيق انه قابل ناس زيكوا هو من يحسد عليكم
على فكرة إنتو عيال أنانيه أوى
كان المفروض تعملو إعلان وتاخدو كل البلوجرز الى بيموتو فيه وتقابلوة
صحيح المقابله كانت هتبقى فى الإستاد
وصحيح كان أحمد توفيق هيضطر يمشى بالهليكوبتر من كتير تزاحم الناس
لكن كل دة أحسن من إنكم تقابلوة وباقى الناس غافله كمومياء حتب حورس كدة
وفى النهايه بجد مبروك عليكم المقابله دى وعقبال كل المشتاقين يارب
د. احمد خالد توفيق بجد يمكن هو د.نبيل فاروق (لما مابتوسعش منه) الوحيدين من كتاب الشباب اللي بيخاطبوا عقليه فوق عقليه الطفل
واسلوبه الساخر مايتنسيش
مش معقول طبعا اول كومنت عندك هنق عليكي فيه
بس ماتنسيش تعزمي الشعب معاكي المره الجايه.
ازيك يا اميرة
اولا مبروك على المقابلة لان واضح انك مبسوطة بيها قوي
لاكن في الحقيقة انا مشاركتي هنا كانت لمحو الصورة القاسية التي ظهرت عليها في تعليقي علة بوست صديقتك شيماء والاخ انونيموس
وياريت متكونيش زعلتي من نقدي
بس مشكلتي اني مع البنات حمبلي شويه
عل العموم يا ريت متكونيش زعلتي
واتمني مشاركتك عندي
تحياتي
المعلمة لميا: اوعدك يا معلم المرة الجاية هتكوني معايا و انتي عارفه ان المرتين اللي فاتوا كان ليهم ظروفهم
سكومونس: الف شكر يا معلم و من بقك لباب السما يارب
تهامي:الف شكر يا معلم..اميييييييين
احمد ندا: نشكركم لحسن تعاونكم اللغوي
the wall
يا بنتي و الله دكتور احمد بيقابل اي حد عايز يثابله الموضوع مش صعب خالص
الف شكر يا جميلة لمتابعتك لينا ..اتمنى اتعرف عليكي
ريمو:
يارب ياريمو يا يييييييييييييييارب
محمد حسام:
صدقني يا محمد ممكن تقابله بسهوله جداااااااااااااااا..و الحوار كان على اذاعة على النت و اتذاع خلاص
دنانير: دي حقيقة فعلا يا جميلة انا متربية على ايد رفعت اسماعيل
كراكيب عادل:
اشكرك كتيييييييييييييييير يا معلم كلك ذووووووووووووووووق و الله
انجيل: ربنا يخليكي يا جميلة
موني / ميرسي يا جميلة ده بس من ذوقك و الله
شيماء الجيزي:
هو فعلا حد كويس جدا و زي ما انتي قلتي بالظبط وممكن تقابليه بسهولة و الله
احمد رفعت: اولا الف مرحب بيك يا عم رفعت في بلوجنا العزيز..بس صدقني لو عرفت احمد خالد توفيق هتعرف ان احد نعم ربنا علينا اننا شفناه و اتكلمنا معاه:) ...بجد سعيدة جدا انك زرت مدونتي يا جميل
محمد حمدي: و الله يا جماعة مقابلة دكتوراحمد مش صعبة خالثص كده كده ..دكتور احمد اكثر الاشخاص تواصعا اللي شفتهم في حياتي
حصان بري: نق يا معلم يا راحتك انا عارفه ان الناس نفسها اد ايه يشوفوه...و اهلا بيك يا معلم في مدونتي و يارب ما تكون اخر مرة
احمد طاهر:
و الله يا معلم محصلش حاجة خالص..ميرسي على زيارتك
معلش سؤال بريء
ايه حكاية معلم دي معاكي
عل العموم اتمني زيارتك والا البلوج بتاعي معجبكيش
تحياتي
المعلمه اميره :
يعنى انتى قلتيلنا انك قابلتيه
و غيظتينا بالصور
و كمان ثلاث مرات
و ماهانش عليكى تحكيلنا ايه اللى حصل بالتفصيل
يا ساتر ..ده انتى بخيله بجد
عموما انا هاحكم عليكى انك تروحى البلوج بتاعى ...فيه قصه من اربع اجزاء لازم تقريها ...عشان رأيك يهمنى و لازم تكتبى تعليق طويل و مفصل
هههههههه
و عشان اتأكد انك هاتيجى و مش هاتطنشى ...هاحلفك بالغالى
عارفه الغالى و الا اقولك هو مين ؟ ذ
;)
تحياتى يا معلمه
هو كله معلمين كده ...مافيش صبيان هنا و الا ايه
انا أيضا قابلت الدكتور احمد خالد توفيق
ولكن للأسف الشديد ما قدرت اتصور معاه ولكن يكفيني انني قضيت معه يوم راااائع من اروع ايام حياتي
محمد القدسي
Post a Comment