Saturday, March 24, 2007

قول لأ



يوم الأتنين الموافق 26 مارس 2007


يوم الاستفتاء على التعديلات الدستورية الجديدة

أقف أدام لجنتك الإنتخابية شيل يافطة سودا او شارة سودا او حتى قماشة سودا و اكتب عليها قول لأ

قول لأ للظلم و سلب الحقوق


قول لأ لتوريث البلد و الإستيلاء عليها

قول لأ لقمع الحريات

قول لأ للإعتقالات التعسفية

قول لأ...لو معرفتش تقولها في الإستفاتاء اقف و اقولها بصوتك


قولها بيافطة ..بشارة باي اي حاجة...المهم نبقى قولنا لأ

10 comments:

smraa alnil said...

هنقول لا
وبعدين

3aziz 3eni said...

وبع اللا هنعمل ايه؟
سؤال مهم جدا يا جماعة الناس كلها عارفة اننا بنقول لا من زمان لكن بعد الـ لا هنعمل ايه؟
انتوا عارفين الاهم هو الخطوة التالتة قبل ما تخطى الاولى
اللى رايح يقول لاء لازم يعرف كويس جدا بعد ما يقول لا هيعمل ايه لانه لو مش عارف تبقى مصيبة سودة
لازم نعرف نخطط لمستقبلنا السنية الجاية قبل ما نبتدى السنادى هم كانوا عارفين اننا بنقول لا لكن كمان عارفين بعد ما نقول لا هم هيعملوا ايه احنا بقى عارفين هنعمل ايه؟

ماحدش يخطى خطوة مش عارف بعدها ايه........اصحوا بقى وفوقوا الكلام سهل المهم الفعل
قبل ما حد يقول لى قول لاء لازم يقول لى فيه ايه بعد الـ لاء

micheal said...

نصيحه أخويه صادقه...بلاش اي بنت تنزل تروح الاستفتاء عشان حتصل كوارث اكتر من يوم الانتخابات و صدقوني كلاب الامن مش حترحم حد
تحياتي لكي

اروي الطويل said...

هههههههه
عارفه يا اميرة انا كنت بكتب في السياسه كتيييييييييييييير اوي غالبا لان دي الحاجه اللي مش مسموح ليا اني اعبر عنها بصراحه
حاليا انا بطلت كلام في السياسه لان غالبا برضه فيوزاتي ضربت بكلمك بجد انا خلاص زهقت قررت اخد رست بقالي بوستين ما جبتش سيرة السياسه تخيلى

محمد حمدي said...

لا = نعم = المقاطعه

عشان الى هما عاوزينه هيكون .. مش هنخسر غير سحل رجالتنا وإغتصاب نساءنا وخلاص

دة رأيى . متشائم شويه بس رأيى .. وأبقى شوفى مدونتى فيها بوست عن كدة

سلام

admelmasry said...

لاه والف لا
وبكرة يظهر حق

moodysalihamidzic said...

مقاطع

خيرالدين said...

المشكله اننا حتى اما بنعارض مش متفقين على راى واحد....نفسى اعرف يعنى القوانين الجديده دى هتخليهم يعملوا ايه اكتر من انهم يغتصبوا الرجاله ويسجنوا الشرفاء ويغرقوا الشعب ؟؟؟؟؟؟؟؟؟؟؟؟؟؟

مهندس زراعي said...

احنا قاطعنا ولم نذهب لكي نقول لأ أو حتى نعم ولكن العجب العجاب هو ان 9 مليون مواطن متمثلين في موظفي الادارات المحليه والحكوميه على مستوى الجمهوريه 7 مليون شخص منهم قالوا نعم و 2 مليون قالوا لا
فكانت النتيجه 76%وكل دستور وأحنا طيبين

Malek said...

أييييييييييييياكش تولع