اميره متري اتجوزت
اميره من اعز اصحابي و قضينا اربع سنين في الكليه سوا
على اد ما انا مشفقه عليها من فكرة الجواز دي
على اد ما انا فرحت لما شفت فرحتها في عنيها
اصلها بتحبه اوى و مرتبطين ببعض من 7 سنين
مش عارفه ليه رغم رعبي من الجواز
و خوفي من المسئوليه و كتم الحريه
إلا اني حسيت بحنين غريب تجاه الفكره دي
حنيت اني اكون مستقره..اني اعرف حد و احبه و نبدأ سوا
و نبني حياتنا سوا و نواجه المشاكل سوا
ناخد مثلا شقه تكون لسه مفيهاش اي حاجه و نروح نعملها انا وهو بايدينا
نبيضها سوا...نعلق اللوح اللي اكيد هنكون بنحبها احنا الاتنين فطبعا اول لوحه هتكون لوحة
جيرنيكيا لبيكاسو..نعلقها دي في اوضه المكتب م هو اكيد هيكون بيكتب زي
و ننقي العفش سمبل جدا زي م انا بحبه و يكون غريب كمان
و م دام انا حبيته فاكيد هو هيكون بيحب البن زي نقوم بقى نعمل الركن اللي نفسي اعمله
فبيتي...قهوه و نسكافيه من كل نوع و شيشه و سجاير و عبث
و نبقى على طول مشغلين مزيكا في البيت..منير طبعا..فيروز اكيد
و لما نتخانق مع بعض منطقش ننام و احنا زعلانين فاجي اروح اصالحه الاقيه هو جي يصالحني
و طبعا مدام هو بيحبني فمش هيجيب لي ورد لانه هيكون عارف اني مش بحبه
و طبعا مدام وافقت اتجوزه يبقى هيكون مجنون زي..فنبقى قاعدين الساعه تلاته الصبح و يطق في
دماغنا نطلع على اسكندريه و نجري بالعربيه على البحر و مش بعيد ننزل الميا بهدومنا
و نرجع في نفس اليوم
و بعد سنه او سنتين نجيب اول بيبي لينا و تكون بنت و اسميها حنين
و لو جبنا بعد كده ولد هسميه حسن على اسم بابا..د
عارفه ان هيكون في مشاكل كتير و اعباء اكتر
بس اكيد اكيد هيكون احساس افضل من احساس الوحده بكتير
و رغم برضه الحنين القوي ده الا اني ملقتش الحد اللي يخليني مخفش و اتهور و اتجوز
بس فعلا اول مره احس اني بتمنى اني الاقيه
اميره من اعز اصحابي و قضينا اربع سنين في الكليه سوا
على اد ما انا مشفقه عليها من فكرة الجواز دي
على اد ما انا فرحت لما شفت فرحتها في عنيها
اصلها بتحبه اوى و مرتبطين ببعض من 7 سنين
مش عارفه ليه رغم رعبي من الجواز
و خوفي من المسئوليه و كتم الحريه
إلا اني حسيت بحنين غريب تجاه الفكره دي
حنيت اني اكون مستقره..اني اعرف حد و احبه و نبدأ سوا
و نبني حياتنا سوا و نواجه المشاكل سوا
ناخد مثلا شقه تكون لسه مفيهاش اي حاجه و نروح نعملها انا وهو بايدينا
نبيضها سوا...نعلق اللوح اللي اكيد هنكون بنحبها احنا الاتنين فطبعا اول لوحه هتكون لوحة
جيرنيكيا لبيكاسو..نعلقها دي في اوضه المكتب م هو اكيد هيكون بيكتب زي
و ننقي العفش سمبل جدا زي م انا بحبه و يكون غريب كمان
و م دام انا حبيته فاكيد هو هيكون بيحب البن زي نقوم بقى نعمل الركن اللي نفسي اعمله
فبيتي...قهوه و نسكافيه من كل نوع و شيشه و سجاير و عبث
و نبقى على طول مشغلين مزيكا في البيت..منير طبعا..فيروز اكيد
و لما نتخانق مع بعض منطقش ننام و احنا زعلانين فاجي اروح اصالحه الاقيه هو جي يصالحني
و طبعا مدام هو بيحبني فمش هيجيب لي ورد لانه هيكون عارف اني مش بحبه
و طبعا مدام وافقت اتجوزه يبقى هيكون مجنون زي..فنبقى قاعدين الساعه تلاته الصبح و يطق في
دماغنا نطلع على اسكندريه و نجري بالعربيه على البحر و مش بعيد ننزل الميا بهدومنا
و نرجع في نفس اليوم
و بعد سنه او سنتين نجيب اول بيبي لينا و تكون بنت و اسميها حنين
و لو جبنا بعد كده ولد هسميه حسن على اسم بابا..د
عارفه ان هيكون في مشاكل كتير و اعباء اكتر
بس اكيد اكيد هيكون احساس افضل من احساس الوحده بكتير
و رغم برضه الحنين القوي ده الا اني ملقتش الحد اللي يخليني مخفش و اتهور و اتجوز
بس فعلا اول مره احس اني بتمنى اني الاقيه
5 comments:
كل دي احلام هايلة وعظيمة وكويسة بس تعتقدي ان في حد حيبقى فيه كل ده .. ركزي شوية مش حتلاقي برده .. معتقدش ولو لقيتي فبدهيلك من كل قلبي ان الظروف ما تكونش معوقة وتسمح يارب يا ميرو ونفرح فيكي وافضل اغلس على حنين واخليها عمرها ما تقوللي يا طنط تقوللي يا ليمي بس
حلم جميل اوى يا ميرو
ان شاء الله يتحقق
وتلاقيه زى ما ليلى لقيت حسين ;)
مم ساعات كنت بفكر كدة وساعات بشطح بعيييييييييد
مش عارفة ارسالى على بر... بس هو غالبا متوقعة البر الاجبارى
أنشاء الله تلاقيه...
أحب أضيف أن بحثنا الدائم عن الحرية المطلقة ما هو ألا نوع من أنواع العبودية.
و الحلم يلمس فؤادي... يهمس يغني ينادي...اه ل اطول النجوم..
fe3lan..ana kaman nefse fe 7ad keda..mosh mohem ay 7aga 2osad el dma3' el kowesa..bas 3la r2y lamia..men mawgod? wlaw mawgod..hayob2a 3ayez yegawez?..eza kan e7na mesh 3ayzen w motardden..wla ente hateqn3eh?;-)
Post a Comment