كل سنه و انتي طيبه يا شيماء
مش عايزه اقول مقدمه طويله..كله هيطلع كلام مبتذل انا هدلق اللي جوايا زي العيال الصغيره
اللي بيقولوا كلام مش مفهوم و متلخبط
انا بحبك اوي... انا من غيرك مكنتش هوصل لحاجات كتير جدا في حياتي
محدش وقف جنبي قدك...كل حد مهما كان كويس معايا كان بيبقى ليه وقفات غدر و نداله
و تخلي ..مهما كان بيحبني...انتي اللي لقيتك معايا دايماً
عمري ما هنسى وقفتك جنبي في موت ابوياو تعبه
و انتي اساسا مكنتيش طايقه المستشفيات و مع ذلك مسبتنيش لحظه
الفرحه الحقيقه اللي بشوفها في عينك لما بيحصلي اي حاجه كويسه
خنقتك عليا في كل مره كنت برجه فيها لحازم
الا صحيح يا شوشو..هو انا لو قلت لك انا خلاص هتجوز حازم.هتعملي ايه؟
الواد لسه بيحبني يعني
بجد يا شيماء مهما هتكلم و هقعد اقول على كل حاجه حلوه فيكي و كل حاجه حلوه عشناها سوا
مش هقدر احكي كويس
كل يوم بتنا فيه سوا
كل لحظه اتفرجنا فيها على فريندز سوا
كل كوبايه نسكافيه بلبن شربنها سوا
و كل فنجان قهوه شربناه و احنا بنتكلم كلام مجنون
كل مره جيتي حضنتيني و انا بعيط
كل ازمه مرينا بيها...كل حاجه فاكراها يا شيماء مش ناسيه اي حاجه
يارب كل عيد ميلاد ليكي نكون سوا
بحبك يا جميله
4 comments:
w ana bmoot feki..enty eli gamela wallahi.rbna ye5leki lya bgd 5lteny a3et,enty 3rfa a7na el connection eli bena mn kotr ma hya 3'reb w gamda 2wii s3at bt5wfny..
ana bs 3yzaky t3rfy enk mn a7la 7agat fe 7ayaty now ,en mkontesh el7aga elw7eda
ميرسي يا ابيتاف يارب يكون ليكي حد كده
الموضوع جميل والاجمل صورة القموره اللى حطتيها ياختى مافيش عروسه ليه بالطعامه دى
تيجى تشربى شاى ولا تحبى تاكلى الاول
كل سنه وانتى طيبه
طب هاقول كل سنة وه يطيبة كام مرة بس.....
طحلبتي الصغيرة...كل عام وأنت بأخضر متنام ...وطحلبة متزايدة
Post a Comment