الهدوم اللي فضلت م الدولاب القديم
لسه دايبه فيها ريحتك
سرير فاضي
و مخدة لسه واخده شكل كتفك
شنطتك..نضارتك
اخر سجارتين في علبة سجايرك
سبت لي ايه من يوم رحيلك
غيري انا..و الآسى
و كتف شايل الهم عنك
سبت فيّ حتة منك؟
!
لأ..ده كل حتة فيّ منك ضحكتي,حنيتي
لأ..ده كل حتة فيّ منك ضحكتي,حنيتي
جناني..حريتي
قلبي الاهبل..زي قلبك
كل ملامحي.. نسخة منك
يااااااه
حتى الوجع ..ورثته منك
**************
photography by fadwa fady
9 comments:
حقيقى
وبجد
اه من كلامك
واه على كلامك
"و مخدة لسه واخده شكل كتفك"
جامدة أوووي دي
ايه الحنين
والشجن
والحزن
والعذوبة
دي
........
ما أروعك
........
وليد
دائماً تبقي ذكريات للأبد
لأنها أقوي من الزمن
و أطول منه
بوست حلو قوي
تحياتي
كل ملامحى نسخه منك
جميله جدا يا اميره
ارجعى تانى لضربة شمس يا استاذه
حتى الوجع .. ورثته منك
****
قانون الوراثة مختلط بالحنين والحزن على وداع انسان قريب جدا
أدخله الله فسيح جناته
ومنحك الصبر
والذكرى العطرة
وجميل الكلام ...
تحياتي
رشوان
خالك الابنودى بيقول
............................
الفين رحمة عليك يابا
كنت دراع ينجد غرقان
وانا غرقان ف بحور الخوف وف عدم الصبر
ولدك غرقان يابا
محتاج كلمة
حن عليه
واطلع م القبر
.......................
بس
الله يرحمك يابا
بجد حلوة اوي ما شاء الله عليكي
اثرت فيا جدا
هاي
حابيب اعلق اصلي غاو حاجات من دي
في ريحه وعبق وشية احساس ملي هما
اه عليه لما تلمس قلب موجوع م الحنين والشوق الي هوه
اه يعني ع الكلام لما يطله جوي منه حاجه تانيه
تانيه خالص
اه يعيني م الحاجات لما تفوت بعد الأوان راحت خلاص
وتشوف بعينك الزكريات
كل الحاجات
شواية حروف بمناسبة الكلام
كلام جميييل جمييل
Nicely written...well done!
Post a Comment