كلنا تلك!

هل انتي سعيدة كفتاة وبدورك في الحياة؟

سعيدة طبعا بس منكرش اني ساعات بحس اني عايزة ابقى ولد في بعض المواقف

ما الذي يعجبك في المجتمع اتجاه نظرته لليلى؟

بصراحة..تقريبا ولا حاجة

ما رأيك في دور الاعلام في ترسيخ صورة نمطية عن المرأة؟ومعالجات قضايا المرأة؟ وتأثيره؟

مش كل وسائل الاعلام صورها عن المرا نمطية..اه هو معظمه فعلا بس في ساعات حاجات كويسة

بس معالجات و تأثير متهيالي دي لسه بدري عليها اوي انها توصل لاعلامنا المصري


ما رأيك في يوم ليلى؟

اعتقد ان الاعتراض خطوة كويسة جدا..و يوم ليلي كان كده

اول خطوة اقتراح لتغيير مشاكل معينة؟

اعتقد ان الحل الوحيد اننا نبيد المجتمع و نجيب واحد تاني..مينفعش..اذن مفيش حل اساسا

هل تحبين نفسك ام تتظاهرين بالقوة؟

مش عارفه بس اعتقد مفيش حد بيحب نفسه يعني

هل تعرفين دورك في الحياة ام تتسايقين وتلعبين ادوار مرسومة فقط؟

اعتقد ان في ادوار عارفاها و بقوم بيها و ادوار عافاها و مش قادره اقوم بيها و ادوار لسه معرفتهاش و اكيد بردو في ادوار مش بتاعتي بحاول اعيشها

هل انت مستعدة ان تدافعي عن وجهة نظرك عموما ام تتجبنين عند المواجهة؟ وهل ترين جبنك صفة شخصية ام يغذيها من حولك؟

طبعا مستعدة..و انا عادة مش جبانة و في فرق كبير بين الجبن و الاحترام للي ادامي ..زمان كنت جبانة جدا و طبعا ده كان بسبب بعض الاخطاء في البيت عندي

ما مشاكل ليلى الملحة في المجتمع من وجهة نظرك؟ ما مصدرها؟ هل يمكن حلها؟وهل عندك موقف شخصي من واقع الحياة؟

في مشاكل كتير اوي مش قادره احدد واحده بس و مصدرها طبعا المجتمع و الله ممكن حل بعضها بس بصعوبة و اه طبعا عندي موقف..موقف غاضب جداااااااااااااااااااااااااااااااااااااااااااااااا

هل تري المرأة اقل من الرجل في اي مستوى من المستويات؟ وان كان فعلا فما هي هذه المستويات؟

لا طبعا مفيش اي مستويات اساسا

منذ مرور سنة منذ يوم ليلى الاول ماذا تغير في وضع ليلى؟

مش هرد بغير اقتباس من فيلم قانون ايكا علي لسان محمد عبد العزيز لما قال بسخرية....الوضع...اااه...ربنا ينتعك بالسلامة

امرر التاج لشوشو