Monday, July 02, 2007

عووووووودنا



كنت فاكرة اني هاخد وقت طويل قبل ما ارجع ادوّن تاني


مكنتش اعرف ان الكتابة هتوحشني اوي كده..طبعا انا كنت ممكن اكتب عادي..بس في الفرق كبير اوي لما


الواحد يكتب لنفسه و يكون بيكتب و هو عارف ان في حد بيقرا له و بيقوله رأيه


في ناس قالولي انتي قفلتي المدونة عشان تجيلك كومنتات تقولك ونبي افتحيها ..كان حد غالي عليا بيهر ج معايا..بس مش ده كان السبب فعلا..مع ان ده لو كان السبب مكنش هيبقى عيب و لا حرام يعني..من حق


اي حد في الدنيا انه يدلع


المهم السبب فعلا اني كان عندي رغبه قوية اني اقفلها خالص فعلا بس مكنش عندي الشجاعة اعمل كده


فعملت كده عشان ارضي نفسي و الفكرة المجنونة دي بشكل او باخر..


و لما رجعت افكر اني ادوّن تاني خدت قرار بيني و بين نفسي ان المدونة دي مش هيكون ليها اي علاقة باي شيء شخصي خاص بيا..انا مش هكتبني تاني..مش هكتب حاجة عني..مش هكتب حاجة عن احمد و


لا شيماء و لا لميا..و لا اي حد انا اعرفه فعلا..انا هكتب كل شيء وليد خيالي فعلاّ

******

تحذير يجب ذكره..المدونة من الان لا تسمح بدخول الانسات الرقيقات الخجولات اللاتي يخدش حيائهن بعض الايحاءات الجنسية..او القليل من التجديف و المجادلات الدينية السفسطائية..

33 comments:

.:.-=- ELGaZaLy-=-.:. said...

يا اهلا يا اهلا يا الف حمدالله على السلامة..
ومن حق اى شخص طبعا انة يدلع الدستو ر بيكفل الحق دة

جميل قراراك بس مستحييييييل يا اميرة...مش مستحيل بس دة مستحيل المستحيلات اى شئ هاتكتبية هيخد جزء من طاقتك ومن روحك وف دة يبقى طبيعى كل شئ هاتكتبية يكون فية جزء شخصى...

بس اية التحذير دة؟؟
---------------------------------

تحذير يجب ذكره..المدونة من الان لا تسمح بدخول الانسات الرقيقات الخجولات اللاتي يخدش حيائهن بعض الايحاءات الجنسية..او القليل من التجديف و المجادلات الدينية السفسطائية

----------------------------------
هاتقلبيها مدونة للكبار فقط؟

هممممممممممممم

المهم حمدالله على السلامة نورتى

Amira Hassan said...

ميرسي كتير ليك بجد يا غزالي و لاهتمامك و اوعدك اني هسلخ المدونة عن شخصي على اد ما اقدر لاسباب يطول شرحها

ميرسي ليك تاني على الكومنت الرقيق اللي سبته لما قفلت المدونة

LAMIA MAHMOUD said...

صباح الفل .. وحشتيني

بعد كده انتي حرة يا بنتي اكتبي اللي تكتبييييييييييه

وبقية الكلام بيني وبينك


المهم بقى بالنسبة للتحذير الاخراني يبقى انا كده عاملة ابونية بما اننا شلة انتي عارفة اية من غير ما اقولك

دوسي يا بنتي

shimaa said...

المهم انك رجعتي يا جميلة و بعد كده انتي حرة تكتبي اللي تكتبية ..المهم تكتبي

Mada said...

حمدالله على السلامه

لو هي دي الجمله المناسبه للعوده
أنا متابع هنا من زماااان بس مش من هواه التعليق للأسف وعشان كده مش بعلق كتير
أنا بس المره دي حبيت أعلق عشان الملحوظه الاخيره
أنا مش من الأنسات الرقيقات الخجولات
ولكن يخدش حيائي بعض الإيحاءات الجنسيه
ولكني مع ذلك سأقرأدوما وأبدا مقالتك وسأنتظرها كل حين

تحياتي

rana 3amra said...

اهلا يا قمر نورتى بيتك انا والله كنت حاسة وكنت بشقر ع البلوج بين الفينة والفينة يعنى مش سايباه لوحده برده

حمد لله ع السلامة

Anonymous said...

السلام عليكم و رحمة الله و بركاته
حمدالله ع السلامة..هلا هلا
هاقولك ايه غير اللي قاله كل اللي سبقوني بالتعليق
وحشتينا طبعا ..اممممم... مش عارفة اقول حاجة غير ان كل اللي ييجي منك كويس ان شاء الله و ربك يستر
بصي هو انا من الانسات .. بس مش رقيقات على الاطلاق و مع ذلك عندي حساسيه من الحاجات اللي حذرتي منها ... بس على مين ؟؟ ده انا ارخم من الرخامه .. و لا اي زحلقة تنفع معايا ... اكتبي براحتك بس معلش يعني يا ميرا ماتبقيش تغمقي اوي
امم.. برده ده شيء راجعلك براحتك يعني.. و ياريت من وقت للتاني نبقى نقرا اميرة حسن زي ما هيّ

كفايه كده
سلام

the wall

nohamy said...

المهم انك رجعتي اكتبي أى حاجة

vision said...

هييييييييييييييييييييييييه

Mony The Angel said...

welcome baaaaaacckkkkkkkkkkk :))

خيرالدين said...

متتأخريش عن البدايه الجديده

Anonymous said...

اكتبى بحريه
بس
الحريه ليها حدود
فى الزمن ده اكتر من اى زمن تانى
http://4moreandmorelove.blogspot.com/ياريت تزورينى

elkamhawi said...

cool

heba said...

يا اميرة ان شاالله تكتبي ايحاءات جنسية وتجديف ومجادلات دينية سفسطائية

المهم انك بتدوني وموجودة

ميهمكيش
محدش له عندك حاجة

الطائر الحزين said...

السلام عليكم

اختلف معك فى شىء بسيط
ان كتابة التجربة شخصية جميل ما دامت وراءها منفعة عامة وعبرة يعتبر منها الناس
وحمدا لله على السلامة

تحياتى

Anonymous said...

مبروك على العوده
مدونتك جميله جدا

~ Bato0ot ~ said...

alf hamdelah 3al salama ya amira

We2am said...

sebek enty..a7la 7aga fel7war dah elta7zeer..w entzry mnne mofg2a kida 3la ma2osmo ;)

We2am said...

5oshy elblog bta3y :)

خلود صلاح said...

بصى يا ميرو انا بحب كتابتك فى كل الاحوال بس بجد هتوحشنى كتاباتك الجميلة عن نفسك
وبالنسبة للتحذير هيحصل حاجة من اتنين ياما اقنعك ترجعى عن الى فى راسك يا اما انتى هتقنعينى وتحولينى

shabfa2re said...

ايه الحكاية كلنا كده مأنتخين
ويلكم باك

Mody Rap said...

ادلع يا مواطن
الهم في قلبي قاطن

من حقي اتكلم و احكي
احكي عن همي و اشكي

ممكن ابعد شويه
واهو اريح عينيا

الناس كلها سمعاني
لما بألف اغاني

ده الهم اللي انا عايشو
لما يسيبوني و يمشو

ده كل اللي اقدر اقولو
لو حتي هغني صولو

كلام من وسط شرودنا
علي تدوينة ( عوودنا )

مساء الخروب

محمد حمدي said...

حمد لله على السلامه يا أميرة

وحلو التحذير الى فى الاخر دة .. مستنى تدوينات حمراء بقا :)

ola salem said...

أميرتى إزيييييييك
وحشانى والله بس انا فعلا تعبانة مش بنزل خالص
ابقى اسألى يا ندله

تــسنيـم said...

سيبك بقى من حمد الله على السلامة..

سيادتك هتكملي القصة التفاعلية امتى ؟؟؟؟؟ عيب كده احنا في الانتظااااااار


انجزي يا جميلة :)

Mody Rap said...

انا شايف انها قلة ذوق من الموجة
المفروض تحترم مشاعر و رغبات الاخرين و لا تفرض عليها حاجه
هو بالعافيه يعني ؟؟
انا لو مكان البنت هفضل اهرب طبعا

و ممكن اشرب خروب عشان انسي

Amira Hassan said...

انا مش فاهمة قصد مودي راب..بس هو لو كان يقصد اني مغصوبة على القصة فده مش صح خااااااااااااااااااااااااالص و ئام اعبقر حد بحب اقرى له و ده شرف ليا اني اكتب معاها و انا اتاخرت عشان بحاول اكتب بمستوى يتوافق مع وئام و ده شيء صعب طبعا

.:.-=- ELGaZaLy-=-.:. said...

ازيك يا اميرة يارب تكونى بخير...وكدة...فين يا بنتى ابدعاتك ...وئام فعلا عقلية جميلة جداا وعبقرية ربنا يحفظها...وانتى اقوى...فاستمرى

Oma said...

welcome baaack ya amira
w ana m3aki le2a5er el5at
kolo menk 7elw :D

micheal said...

يا أهلا بكي من جديد
:)
تحياتي و في انتظار المواضيع القويه

Dr. Eyad Harfoush said...

من حوالي شهر قررت نفس القرار ده، و أعدت توجيه مدونتي، بعدها بأيام اكتشفت انني أدمنت أن أكتبني ليقرأني الاخرين فأنشأت مدونة خاصة، تحياتي

تــسنيـم said...

أميرة.. تعليق موودي راب ينفع خالص على أخر بوست كتبته نهى كراكيب هو أكيد كان فاتح المدونتين وكتب التعليق على بوستها هنا غلطة


اي خدمة يا معلمة

Anonymous said...

عودت عينى على رؤياك وقلبى سلم سلملمك امرى اشوف هنا عنيا بنظرتك ليا والقى نعيم قلبى يوم ماالتقيك جنبى وان مر يوم من غير رؤياك ما يتحسبشى من عمرى