Saturday, November 18, 2006

هي الأخت تقدمية!!

في الأول كنت فاكره ان انا اللي متوجسه زياده عن اللزوم..وان افكاري بقت سوداوية اكثر من اللازم بس بعد لما
الموقف حصل اكتر من مره عرفت لا ان اللي بيحصل ده حقيقي انا مش متوهمه...انا بتعاكس يا جماعه
حد هيقولي و ما الجديد ..انتي عبيطه..لا الجديد بقى اني بتعاكس من بنات..اه و الله من بنات..و بتعاكس
دي كلمة رقيقه..يعني اقل حاجه حصلت اني اتعاكست من بنت و كانت بتبص لي بصات غريبه و كانت بتبص لي
في عنيا..و فصلتني بعنيها حته حته...طبعا انا كنت عايزه الطشها بالقلم عشان افوقها بس انا اساسا مكنتش فايقه
..الموقف صدمني..ده غير طبعا ان في واحده سابت المترو الفاضي كله و جت لزقت فيا ..انا قلت يا واد طنث خاااااااالس شوف الست دي عايزه ايه..وبعدين حسيت بغدر بقى..قمت بعدت عنها..و بعدين بدأ الموقف ده يتكرر مش كتير الصراحه بس اهو بيحصل و دي معجزه في حد ذاتها..ده غير اني ساعات لما بسرح و الاقي نفسي كنت بصه لوحده الاقيها قلقت مني..فتحس اني في جو عام من التوتر سيطر على المجتمع بكل اجناسه..الواحد مبقاش مطمن على نفسه..انا قلت اقول ليكون في بنات بتركب عربيه السيدات وهي مطمنه اوي و حسا بالامان..اديني قلت اهو..كل واحد يخلي باله
من لغاليغو

12 comments:

كلمه said...

looooooooooooooooooooooool @انا قلت يا واد طنث خاااااااالس

lool ..bgd kont fe3lan batsha2leb mel de7k :D

elbanat elly bet3akes zado 2wy fel balad elyoomen dol :) ...fe wa7ed sa7by 2abel etnen setat fel share3 kano be3aksoh w 3ayzeen ye3zemoh 3la el3sha :D ..w ya5dooh elcima :))

أحمد فؤاد الدين said...

دي واقعة تحرش بالعينين قدمي بلاغ لقسم الأزبكية ههههههههههههههههههههه

Lasto-adri *Blue* said...

طب دلوقتى نعمل حملة اتكلموا لانهى تحرش بالظبط
!!!

حسبى الله ونعم الوكيل

shimaa said...

enty ms5ra wallahy,ftsteny mn eld7k bs lel2sf elmodo3 da b2a bgd
w circle bt3t el2l2 mn elnas kbrt 2wiii,mosh hnsa ama wa7d s2lny bkol bra2a hoa enty tkdomya?
3adi ye3ny k2no kan bes2lny hoa enty fe college eh.

Elsede3' said...

wALLAHi yabenty elwa7ed mesh 3aref fe eih
banat bet3akes banat
we welad beta3kes welad
we banat bet3akes welad, we welad tab3an bey3akso banat
mesh 3aref hanla2eeha meneen walla meneen

We2am said...

انا قلت يا واد طنث خاااااااالس
eh elmas7'ra deh ya amira? :D
ana kont bad7ak ta7n aslan :D
bs fe3lan e mowdo3 b2a mostfez...et3kst two times 2bl kida mn bnat..laken rabnaaaa satar :S
anyway.. kolo y7'le balo..rabna yostor"7'sosan ba3d elle 7asal fe wes6 elbalad" :D

FrEe.PhArAoH said...

اييييييييييييييييييييييييييييييه
هنوصل لحد فين بقا ؟؟؟؟؟
حكومه بايظه وشباب بايظ وبنات بايظه وحتى عواجيز بايظه
تخيلى راجل بلغ الستين ( بعد المائه اساسا ) وبيعاكس .. واحد من جيل اطاطا .. بيعاكس واحده من احفاد احفاده .. اكيد مش ظاهره لكن موجود
ع الاقل اللى كانت بتعاكسك دى شابه وشيطانها غالبها .. دا نقول عليه ايه .. جدو الروش
ربنا يكون فعونا بقا .. نصيحه : ابقى خلى بالك من لغاليغك

مـحـمـد مـفـيـد said...

والله احنا علي شفا حفره من انهيار عليجميع الاصعده اللهم ارحمنا

Amira Hassan said...

كلمة:
انا سعيده التنين اني ضحكت سيادتك

حبيبي:

لا المحضر شايلنه للكبيره بقى

لست ادري:

ربنا يستر الحملات اللي محتجانها كتير اوي اليومين دول

شيماء:

ايوه انا فاكره يوم ماسألك فعلا

كان شكلك مسخره وانتي مبهوته :)

elsed3`:
مهي خلاص بقت منفده على بعض

وئام: انا سعيده ايضا اني ضحكتك

تهامي:
طبعا نحن مجمتع في تطور مستمر


free pharah
:looooooooooolحاضر متقلقش انت بس


محمد مفيد: عندك حق ربنا يستر

Anonymous said...

أول مرة أعرف إن التحرش معدي زي العطس بالضبط!

Diyaa' said...

5er 5er fadlna shwya 2olylen 3la yom el2yama
r7la s3eda le gohnm el7mra ya msr

Dananeer said...

انا كنت فاكراهم بيعكسوا بالكلام بس!!