إسكندريلا كمان و كمان

انا مكنتش هكتب بوست





و الله ما كنت هكتب بوست



اصلي هكتب بوست هقول فيه ايه



هقول فرقة اسكندريلا اعبقر حد غنى في الدنيا



هقول حازم شاهين صوته غريب..مهو مش هقول قوي و لا حنين و لا مبدع



ده بديهي..لا بس كمان غريب...بحس اني عايزه اعيط و انا بسمعه معرفش ليه



اقول عليه احسن حد عزف عود..



و لا اتكلم عن شادي و صوته الحنين الرقيق و اداؤه العالي



و لا عن فرقة الشارع العبقرية



اتكلم عن سامية جاهين



هقول عنها ايه..عبقرية



اتكلم عن آيه حميده



هقول دمها زي العسل و صوتها جميل جدا



و لا عن ابناء حداد اللي انا بعشقه اساسا



مش هعرف اساسا هتكلم لان لو حد بيقرا البوست ده و مكنش جه حفلة انهارده في الساقية



مش هيحس و لا هيستوعب انا بتكلم عن حاجه عبقريه ازاي



و اللي شافهم..اكيد هيفهم انا عايزه اقول ايه لو قلت بس ادامه اسكندريلا

اكيد هيقولي اسكندريلا



لازم نسمعها كمان و كمان

*******

نزلوا اغاني بصوت اسكندريلا من هنا

يقولون ...انه احمد الدريني

يقولون انه عبقري…يختلي بنفسه قليلا..يداعب جبينه بانامله الرفيعة ثم يمسك بالقلم ليكتب تحفية ادبيه او صحفية تفحمنا…و تضحكنا…و ربما تبكينا….يقولون عنه عبقري و انا اوافقهم بشده..

*********
يقولون انه انساناً..يعرف كيف يحتويك..يعرف كيف يكون اخ حقيقي.. كيف يخفف عنك..و يقنعك ان الايام تخبيء لك الافضل حتى لو كنت تحدثة و انت لا تملك مليماً واحداً و ابوك طاردك من البيت..و العالم كله متآمر عليك…

*********
قال لي يوم 20مايو 2006..اتذكر هذا اليوم بقوة…اتذكر كم كنت ضائعة..مفككة ..تائهة…و كم رفع كلامه بعد ذلك من معنوياتي

"اميرة..في يوم ما تحسي انك عايزة تتكلمي في اي حاجه..مهما كانت مش منطقية …مهما كانت عبثية ..مهما كانت بديهية ..بس انتي عايزة تتكلمي فيها…تعالي اتكلمي و فضفضي معايا..حتى لو كنتي هتيجي تقوليلي الفيل بيطير..انا هصدقك"

**********
يقولون انه انساناً..و انا اوافقهم بشده

********

يقولون انه نقي…يجعلنا ننتنظر حتى يذهب يبتاع تلك الحلوى التي تذكر ان اخوه قاله انه يريدها…يجعلنا نسير بعيدا عنه في حين ان يختلي ليواسي او ينقد تلك السيدة العجوز التي تقوم بتنظيف زجاج سيارة ما ..
يوقفني عن الكلام عندما احدثه عن روعة ان يتشارك اثنان في الحب و في بناء بيتهم و في التخطيط لمستقبلهم…يستوقفني حتى لا يبكي من روعة الفكرة…يقولون انه نقي…و اظن ان هذا واضح

*********

يقولون انه يعشق رفعت اسماعيل مثلي..يبادلني نفس الافيهات ..يتذكر كل رواية بتافصيلها مثلي…نتكلم على رفعت و كأنه صديق ثالث لنا…يقول ان رفعت يؤنس وحدته..و انا ايضاً…يقولون انه الخلاصة يعشق احمد خالد توفيق ..و من منا لا يفعل
********

يقولون ان بالامس كان عيد ميلاده…و لكني لم اقم بأي دور يذكر..جلسنا ..تحدثنا في عمل...رحلنا…دون ان اقول له و جهاً لوجه "كل سنة و انت طيب"…لم احضر الحفل الخاص به لظروف خارجة عن ارادتي…و رغم ذلك لم اشعر بالتقصير او الذنب..فهو يعلم كم هو غالي عندي..و انني اعتبره الاخ الذي كنت اتمناه و لم احصل عليه..فاعتقد انه يعلم هذا دون ان اقوله او افعله…فهم يقولون انه يشعر بالاخرين…و انا اعتمد على ذلك

التاج علينا حق

في متعةغريبة عند كل البني الادمين الا وهي انهم يحسوا انهم مهمين و ان في ناس بتسألهم

و اعتقد ده من اهم اسباب ظهور التاج في المجتمع التدويني

و لاني بني ادمه

فطبيعي جدا ان لما يجيلي تاج افرح..نيهاهاهاها

مع ان ردي متأخر يا اودي بس سوري

و عادي بقى

اية اللي حيحصل لايميلك لما تموت ؟

مش عارفة و الله مفكرتش فيها..بس ممكن ابقى اسيبة في ايد امينه عشان يتابع الكومنت على المدونهو لما يجيلي يبقى يقولي مين قال ايه

اديت الباس وورد لحد قبل كده؟

يوووووه...متعدوش حنفي ابو دقه و غير ابو دقه و غيره و غيره..نيهاهاها

انا مدتش الباسس وورد غير لاتنين بس

لو اه كانت طبيعة علاقتك بيه اية؟

مش عارفه ليه طبيعة علاقتك بيه دي بتفكرني بكنت فين وقت و قوع الحادث..ما علينا

هي مع شيماء صاحبتي و مع احمد حبيبي

اسمك؟

أميرة حسن...كنت اظن ان ده واضح يعني

اسم الدلع المشهور في وسط اصحابك؟

ميرو...شوشو و لمي هما بس اللي غالبا بيقولهالي

احمد عادة بيقولي مرمر

ماما بتقولي يا زفته...فلكلور

عمرك؟

21...نوت اندر ايدج اني مووور

برجك؟

مكنتش عايزة اقولكم عشان متتعقدوش بس يالا مش مهم

انا برج الميزان ...برج العباقرة

مجالك او مجال دراستك ؟

انا اتخرجت من كلية اداب قسم اعلام جامعة عين شمس

و بهذه المناسبة السعيدة

و من موقعي هذا احب ان اوجه تحية خاصة الي كل دكاترة و اساتذه كليتي المبجله

و احب اقولهم"احنا فرحانين..احنا مبسوطين"

و حبه فوووق و حبه تححححت

و حاليا بشتغل-و ياللعجب-صحفية

شخصيتك نوعها اية؟

اممممممم...مش بعرف بجد...بس كل اللي اقدر ااكده اني متقلبه جدااااااااااااااااااااااااااااااااا

المود بتاعك؟

عادة مودي بيبقى لأما مكتئبة جدا

يا اما منطلقه جدا

يا اما مسالمة جدا

مفيش وسط

وقت فراغك بتعمل فيه اية؟

بقرا..و بقرا...و اتفرج على افلام بحبها او مسلسل فريندز

الاكلة المفضلة؟

البيتزا...و الكشري

لصفات اللي خدتها من بابا؟

يالهون...كل حاجة تقريباً

الطيبة..الكتابة...الشكل مع انه مش صفات يعني

حب الشعر..و حاجات تانية كتير

الصفات اللي خدتها من ماما؟

ولا حاجة تقريباً

اكتر 6 حاجات بتكرهها؟

الكدب ..و خاصة لما يكون من غير سبب

الخيانة

التأنيب

الندم

الفقد

ان اكون في البيت الساعه 5

بحس انه وقت مايع مش باين له صبح من ليل

اكتر 6 حاجات بتحبها؟

طبعا مش هتكلم عن ناس هنا هقول حاجات بس

القراية..بالذات اي حاجه كتبها احمد خالد توفيق

السينما مع احمد

القهوة...و ياسلام لو تكون اول حاجة اشم ريحتها لما اصحى

الشيشة...المعسل بالذات بيدخلني في اجواء بحبها جدااااااا

القطط...ربنا يخللي كنزي حبيبتي

قعدة تهييس مع شيماء و لميا نكون بنهييس فيها بدينا و بنضحك على اتفه حاجة

الشغل بالنسبة لك؟

الشغل هو انا....هو طموحي هو احلامي.....هو خبرة جديدة كل يوم هو حاجات كتير اوي

اية الكومبيوتر والانترنت بالنسبة لك؟

شغلي ...اصحاب جداد......داون للود افلام بحبها ...عوالم واسعه جدا

امرره لمييييييييين؟؟؟

امرره لاحمد حبيبي

بتفرق

كل الكتب بتقول كلام

لكن كلام ..عن كلام يفرق

تمام زي الشفايف

كلها بتعرف تبوس

بس بوسة ...عن بوسة

تفرق

خالد كساب